Die Sytte sell fir alli Aggdiive als au fir Frinde und Bikannti, so wie allne Haimweebasler d’Meegligkait gää, am Lääbe vo dr BSG und dr Basler Fasnacht dailznää.
⭐ Mir fyyre 100 Joor Basler Schnitzelbangg Gesellschaft BSG! ⭐
Gschichtligs und aggduells, perseenligs und organisatorischs – alles zem Jubiläum findsch uff unserer Jubisytte.
Und wyyteri Informatioone alles uff de folgende Sytte – vyyl Spass!
➡ JETZT SCHLUSSOOBE-BILLIJEE BSCHTELLE! ⬅
| Liebi Gescht
Es isch wieder sowytt! Dr Vorverkauf vo unserne Schlussoobe-Billijee isch offe und mir laade Sii rächt härzlig yy, s’Datum vom Samschtig, 7. Meerze 2020 z reserviere, damit Sii in Gnuss vo unserem Jubiläums-Schlussoobe kemme. Vor 100 Joohr isch unseri Schnitzelbangg-Gsellschaft BSG grindet worde und isch fir uns Aaloss, au dr Schlussoobe e bitzeli spezieller z’gstalte. Är findet zwar wie allewyyl in de Theater vo dr Familie Rasser und im Sperber statt, aber mir mechte zerscht mit all unsere Bsuecherinne und Bsuecher vor dr Voorstellig uff das spezielle Jubiläum aastoosse. Me trifft sich dorum bereits am halber Siibeni im Innehof vom Rassertheater zem Apéro. D Vorstellig mit speziellere Zwischenummere fangt denn wie gwohnt am halber Achti aa. Mir fraien ys sehr, wenn au Sii derbyy sinn und mit uns dä Jubiläums-Schlussoobe fyyre. Und jetzt winsch ych Iihne no e scheeni Adväntszyt und nit vergässe: Billijee bschtelle! Eyri Schlussoobe-Obfrau Priska Caccivio |
 |